پێنج وەزیری تورکیا سەردانی سووریا دەکەن

ئاڤا نیوز

 

پێنج وەزیری تورکیا بە جیا سەردانی سووریا دەکەن و لەگەڵ بەرپرسانی دەسەڵاتی نوێی ئەم وڵاتە پێگەی تورکیا لە چوارچێوەی کارەکانیان بەهێز دەکەن.

 

زانیاریی بەدەستهاتوو: بە پێی هەواڵێکی ڕۆژنامەی حورییەتی تورکیا، ئالپارسلان بایراکتار، وەزیری  وزە و سەرچاوە سرووشتییەکانی تورکیا بەم زووانە بە شاندێکەوە سەردانی سووریا دەکات و پرسی کارەبا و وزە تەوەری سەرەکی دانوستانەکانی لەگەڵ دەسەڵاتی نوێی سووریا دەبێت.

زانیاریی زیاتر: هەر یەک لە وەزیرانی بەرگریی و گواستنەوە و  بازرگانی و پەروەردە و چەند وەزیرێکی دیکەش سەردانی سووریا دەکەن، بەڵام هێشتا خشتەی سەردانەکانیان ئاشکرا نەکراوە.

 

ئەمەش بزانە: ئەم سەردانانە بەر لە سەردانی چاوەڕوانکراوی ئەردۆغان بۆ سووریا دەکرێن و تورکیا لە هەوڵی ئەوە دایە بۆشایی ئێران و ڕووسیا لە سووریا پڕ بکاتەوە و هەوڵەکانیش بۆ بێبەشکردنی کورد لە بەڕێوەبردنی ئایندەی سووریا چڕ کردووەتەوە.