لە هەولێر دوو هەزار و 265 گوڵی جۆراوجۆر چێنرا

ئاڤا نیوز

 

لە کابینەی نۆیەمی حکومەتی هەرێمی کوردستان بەمەبەستی گەیاندنی ڕێژەی سەوزایی و ستانداردی جیهانی، گرنگی تایبەت بە ژینگە و سەوزکردنی ناوچەکانی هەرێمی کوردستان دراوە.

 

وێنە گەورەکە: لەماوەی چواری ساڵی ڕابردوو بەمەبەستی زیاتر گرنگیدان بە ژینگەی کوردستان لە پێناو بەرژەوەندی گشتیی، چەندین پارک و هەڵمەتی دارچاندن ئەنجامدراوە، لە شاری هەولێریش لە ماوەی سێ ڕۆژی ڕابردوو دوو هەزار و 265 گوڵی جۆراوجۆر چێنراون.

 

لێدوانی فەرمی: ئومێد خۆشناو، پارێزگاری هەولێر، ڕایگەیاند: لەماوەی سێ ڕۆژدا لەلایەن تیمەکانی ئەندازەی پارک و باخچەکان دەستکرا بە چاندنی دوو هەزار و 265  گوڵی جۆراو جۆر لە سێ شوێنی جیاواز، بەم شێوەی خوارەوە:

- لە ژێر پردی مزگەوتی سەواف 500 و 15 دانە گوڵ لە جۆری ڕۆزماری چاندرا.

- لە سەوزایی پێش بازاڕی نیشتیمان 150 دانە گوڵ لە جۆری ڕۆزماری و 100 دانە گوڵ لە جۆری نادنیا و 300 دانە گوڵ لە جۆری ڕۆز چاندرا. 

- لە شەقامی ڕێگای موسڵ 800 دانە گوڵ لە جۆری ئەشرەفی و 400 دانە گوڵ لە جۆری ڕۆزماری چاندرا.

 

پارێزگاری هەولێر، دەڵێت: ئەم هەنگاوە گرنگە جوانیەکی تایبەت دەبەخشێتە ناو بازاڕ و شەقامەکانی ناو شاری هەولێر و هەڵمەتەکە لە تەواوی شەقامەکان بەردەوامی دەبێت.