دادگەی فیدراڵی وردەکاریی بڕیارەکانی لەبارەی مووچە بڵاودەکاتەوە

ئاڤا نیوز

دادگەی فیدراڵیی عێراق وردەکاریی بڕیارەکانی سەبارەت بە مووچەی مووچەخۆرانی هەرێمی کوردستان بڵاوکردەوە و پێویستە حکومەتی عێراق مووچە بۆ سەرجەم مووچەخۆرانی هەرێمی کوردستان دابین بکات.

 

چیرۆکی سەرەکی: دادگەی فیدراڵیی عێراق وردەکاریی بڕیارەکانی سەبارەت بە مووچە بڵاوکردەوە و دەڵێت، مووچەی مووچەخۆرانی هەرێمی کوردستان لە هەمان کاتی مووچەخۆرانی عێراق دابەش دەکرێت.

 

شێوازی جێبەجێکردنی: دادگەی فیدراڵیی عێراق بڕیارەکانی لە چوار خاڵدا کۆکردووەتەوە و ئەمانەن:

- لەسەر حکومەتی عێراق پێویستە مووچە بۆ سەرجەم فەرمانبەرانی عێراق و هەرێمی کوردستان دابین بکات.

- سیستەمی دابەشکردنی مووجە بە ئەلیکترۆنی دەبێت، مووچەخۆران لە ڕێگەی هەژماری بانکی تایبەتەوە لەڕێگەی بانکە فیدراڵییەکانەوە وەک بانکەکانی ڕەشید و ڕافیدەین مووچەک وەردەگرن. 

- دەبێت هەرێمی کوردستان هەموو داهاتە نەوتی و نانەوتییەکانی ڕادەستی حکومەتی فیدراڵی بکات.

- هیچ قەرزێک نادرێت بە هەرێمی کوردستان بۆ مووچە تا ئەوکاتەی هەژماری بانکی بۆ فەرمانبەران لە بانکەکانی عێراق دەکرێتەوە.