جگەرەکێشێک لەگەڵ هەر جگەرەیەک چەند خولەک لە ژیانی لەدەست دەدات؟

ئاڤا نیوز

 

شارازەیان داوایان لە جگەرەکێشان کردووە لە سەرەتای ساڵی نوێدا واز لە جگەرەکێشان بهێنن، دوای ئەوەی توێژینەوە نوێیەکان دەریانخستووە کە جگەرەکێشێک چەند خولەک لە ژیانی لەدەست دەدات لەگەڵ هەر جگەرەیەک کە دەیکێشێت.

 

زانیاری بەدەستهاتوو: بەپێی توێژینەوەیەکی توێژەرانی زانکۆی لەندەن ئاشکرای دەکەن، ئەو زیانانەی کە لە ئەنجامی جگەرەکێشانەوە دروست دەبن زۆر زیاترن کە لە توێژینەوەکانی پێشوودا ئاماژەیان پێکراوە، هاوکات دەڵێن: ئەگەر مرۆڤ خۆی لە جگەرەکێشان بەدوور بگرێت، تەمەنی درێژتر دەبێت.

 

ئەوەی پێویستە بیزانیت: بەپێی خەمڵاندنی پسپۆڕان، پیاوان لەگەڵ هەر جگەرەیەکدا 17 خولەک لە ژیانی خۆیان لەدەست دەدەن، لەکاتێکدا ئافرەتان لەگەڵ هەر جگەرەیەکدا 22 خولەک لە ژیانی خۆیان لەدەست دەدەن، ئەم ژمارانە زیاترن لە توێژینەوەکانی پێشوو کە ئاماژەیان بەوە کردووە کە هەر جگەرەیەک 11 خولەک لە تەمەن کورت دەکاتەوە.