نزیکەی 120 هەزار گەشتیار سەردانی زاخۆیان کردووە

ئاڤا نیوز

 

بەگوێرەی ئامارەکان لەماوەی  10 ڕۆژدا نزیکەی 120 هەزار گەشتیار بۆ بەسەربردنی پشووەکانی سەری ساڵ سەردانی زاخۆیان کردووە.

 

وێنە گەورەکە: لە ماوەی 10 شەوی کۆتایی ساڵدا، بە ئامادەبوونی هونەرمەندانی چوار پارچەی کوردستان ئاهەنگی تایبەت لە گۆڕەپانی  لە زاخۆ بەڕێوەچوو، هاوکات لە کۆتا شەودا نزیکەی 50 هەزار کەس ئامادەی ئاهەنگەکە بوون.

 

ڕاگەیێنراوی فەرمی: بەپێی ڕاگەیێنراوی بەڕێوەبەرایەتیی گەشتوگوزاری زاخۆ، لەو ماوەی 10 ڕۆژدا نزیکەی 120 هەزار گەشتیاری ناوخۆیی و بیانی سەردانی سنووری ئیدارەکەیان کردووە و پشووەکانی سەری ساڵیان زاخۆ بەسەر بردووە.

 

ئەمەش بزانە: لە ماوەی کابینەی نۆیەمی حکومەتی هەرێمی کوردستان، 27 پرۆژەی وەبەرهێنان لە زاخۆ مۆڵەتیان وەرگرتووە و سێ هەزار و 316 هەلیکاریش لەو پرۆژانە ڕەخسێنراوە.