هەرێمی کوردستان نوێنەری خۆی بۆ گفتوگۆی هەمواری بودجەی 2025 دیاری دەکات

ئاڤا نیوز 

 

بۆ هەموارکردنەوەی یاسای بودجەی 2025 بەغدا داوا لە هەرێمی کوردستان دەکات، کە نوێنەری خۆی دیاری بکات، تاوەکو لە گفتوگۆکان دا بەشدار ببێت.

 

وێنە گەورەکە: بڕیارە لە دوای تەواوبوونی پشووی یاسادانان، جارێکی دیکە گفتوگۆکانی هەموارکردنەوەی یاسای بودجەی گشتیی 2025 دەستپێبکەنەوە، بۆ ئەمەش هەرێمی کوردستان نوێنەری خۆی دەبێت.

 

لێدوانی فەرمی: سەرچاوەیەکی باڵا لە وەزارەتی دارایی و ئابووری حکومەتی هەرێمی کوردستان بە ئاڤا نیوزی ڕایگەیاند: بەغدا داوای لێکردووین نوێنەری خۆمان بۆ گفتوگۆی هەموارکردنەوەی یاسای بودجەی 2025 دیاری بکەین، ئێمەش نوێنەری خۆمان دیاریکردووە.

 

زانیاری زیاتر: نوێنەرەکەی هەرێمی کوردستان هەموو ئەو پرسانەی پەیوەندیدارن بە بودجە و تەرخانکراویان پێویستە کار بۆ جێگیرکردن و جێکردنەوەیان  لە بودجەی 2025 دەکات.

 

باکگراوند: لە ساڵی 2023 یاسای بودجەی گشتیی عێراق بۆ ماوەی سێ ساڵ پەسەند کرا، پشکی هەرێمی کوردستانیش بە 12.61٪ دیار کرا.