وەزیری دەرەوەی سووریا گەیشتە قەتەڕ

ئاڤا نیوز

 

لە چوارچێوەی دەستپێکردنی هەوڵە دیبلۆماسییەکانی حکومەتی نوێی سووریا و بەهێزکردنی پەیوەندییەکانی لەگەڵ وڵاتان، ئەمڕۆ یەکشەممە وەزیری دەرەوەی سووریا یەکەم سەردانی بۆ قەتەڕ ئەنجامدا. 

 

وێنە گەورەکە: دوای کەوتنی دەسەڵاتی بەشار ئەسەد لە سووریا لە 8-12-2024، هێزەکانی تەحریرولشام دەسەڵاتی وڵاتەکەیان گرتەدەست دەسەڵاتێکی نوێی لە سووریا دامەزراند، وڵاتەکەش هەوڵەکانی خستووەتە گەڕ بۆ نوێیکردنەوەی پەیوەندییەکانی لەگەڵ وڵاتانی ناوچەکە و دەرەوە.

 

زانیاریی بەدەستهاتوو: ئەسعەد ئەلشەیبانی، وەزیری دەرەوەی سووریا لە یەکەم سەردانی بۆ وڵاتانی کەنداو گەیشتە قەتەڕ و بڕیارە لەگەڵ بەرپرسانی وڵاتەکە کۆببێتەوە. 

 

ئەمەش بزانە: لە دوای ڕووخانی دەسەڵاتی ئەسەد، قەتەڕ دووەم وڵات بوو کە باڵیۆزخانەی خۆی لە دیمەشقی پایتەختی سووریا کردەوە.

 

باکگراوند: لە دوای کەوتنی دەسەڵاتی ئەسەد لە سووریا، حکومەتێکی کاتی پێکهێنرا و ئەسعەد ئەلشەیبانی، پۆستی وەزیری دەرەوەی وڵاتەکەی وەرگرت.