مووچەی مانگی 11ـی مامۆستایانی گرێبەست دابەش دەکرێت

ئاڤا نیوز

 

ڕۆژی سێ شەممە 07-01-2025، موچەی مانگی 11ی مامۆستایانی گرێبەست لەگەڵ وەزارەتی پەروەردە دابەشدەکرێت، شایستەی دارایی مانگەکانی 7 و 8ی پەروەردەکانی هەولێر و دهۆک کە تاوەکو ئێستا دابەشنەکراوە دەکەوێتە هەفتەی داهاتوو.

 

وێنە گەورەکە: بەگوێرەی خشتەی دابەشکردنی مووچەی مانگی 11 کە لەلایەن وەزارەتی دارایی و ئابووری بڵاوکرایەوە، ڕۆژی سێشەممە مووچەی وەزارەتی پەروەردە دابەش دەکرێت و مامۆستایانی گرێبەست سێیەم مووچەی گرێبەستیان وەردەگرن.

 

لێدوانی فەرمی: کارۆخ عەبدوڵڵا، نوێنەری مامۆستایانی گرێبەست بە ئاڤامیدیای ڕاگەیاند: "سبەی دووشەممە مووچەی مانگی 11ـی مامۆستایانی گرێبەست دەکرێت بە چەک و ڕۆژی سێشەممە بەسەر مامۆستایاندا دابەش دەکرێت."

 

لەلایەکی دیکەوە: هێشتا شایستەی مانگەکانی 7 و 8 ـی ساڵی 2024 مامۆستایانی گرێبەست لەسنووری پەروەردەکانی هەولێر و دهۆک دابەشنەکراوە، بڕیارە دوای دابەشکردنی مووچەی مانگی 11، لە هەفتەی داهاتوودا دابەش بکرێت.