پێشبینی دەکرێت نرخی بەنزین زیاتر دابەزێت

ئاڤا نیوز

 

ماوەی چەند ڕۆژێکە نرخی بەنزین ڕووی لە دابەزین کردووە، سەرۆکی لیژنەی بەنزینخانەکانی هەولێریش لەمبارەیەوە دەڵێت 'پێشبینی دابەزینی زیاتری نرخەکەی دەکەین'.

 

وێنە گەورەکە: نزیکەی دوو هەفتەیە نرخی بەنزین ڕووی لە دابەزین کردووە، لەم بارودۆخە خراپەی ئابووری و دارایی هەرێمی کوردستان پێیدا تێدەپەڕێت، ئەم هەنگاوە بووەتە جێگەی خۆشحاڵی هاونیشتمانیان، بۆیە چاوەڕوانن نرخەکان زیاتر داببەزێت.

 

لێدوانی فەرمی: سیروان عەبدوڵڵا، سەرۆکی لیژنەی بەنزینخانەکانی هەولێر، بۆ ئاڤا میدیای ڕاگەیاند: نرخی بەنزینی نۆرماڵ بە کوالێتی باش 850 دینار تاوەکو 870 دینارە، چاوەڕوان دەکرێت تاوەکو کۆتایی ئەم مانگە نرخەکە زیاتر دابببەزێت، چونکە داوامان کردووە ڕێگە بەهاوردەکردنی بەنزین بدرێت.

 

سەرۆکی لیژنەی بەنزینخانەکانی هەولێر گوتیشی: ئەو کۆمپانیایانەی بەنزین دابەش دەکەن، نرخیان کەمکردووەتەوە بۆیە دابەزینی زیاتری بەخۆیەوە بینیوە. 

 

زانیاریی زیاتر: لیژنەی بەنزینخانەکانی هەولێر داوای پاڵپشتی لە پارێزگای هەولێر کردووە بۆ ڕێکخستنەوە و چاوەدێری دانان لەسەر نرخ  و کوالێتی بەنزین هاوکاریان بن.  

 

گۆشەیەکی دیکە: ئەمڕۆ نرخی یەک بەرمیل نەوتی سپی 150  هەزار دینارە و پێشتر بە 175 هەزار دینار مامەڵەی پێوە دەکرا، هەروەها یەک بەرمیل گازوایلی کوالێتی بەرز بە 130 هەزار دینار مامەڵەی پێوە دەکرێت.