لیواکانی پێشمەرگە دوو مووچە بەیەکەوە وەردەگرن

ئاڤا نیوز

 

بەشێک لە هێزەکانی پێشمەرگە ئەوانەی لەلایەن هاوپەیمانانەوە هاوکاری دارایی مانگانەیان بۆ دابین دەکرێت، ئەمڕۆ دوو مووچە وەردەگرن کە مووچەی مانگی 11 و هاوکاری دارایی مانگی 12 ـیە.

 

وێنە گەورەکە: بەگوێرەی خشتەی دابەشکردنی مووچەی وەزارەتی دارایی و ئابووری، ئەمڕۆ چوارشەممە لیواکانی پێشمەرگە، یەکەی 80 و 70، زێرەڤانی و بەرگریی فریاکەوتن، پۆلیسی نەوت و گاز، ئەنجوومەنی ئاسایش و دەزگای ئاسایش مووچەی مانگی 11 وەردەگرن، هاوکاری دارایی هاوپەیمانیش بۆ لیوا هاوبەشەکانی پێشمەرگە خەرج دەکرێت.

 

زانیاریی بەدەستهاتوو: بەگوێرەی ڕاگەیێنراوی وەزارەتی پێشمەرگە، ئەمڕۆ چوارشەممە دەست بە دابەشکردنی هاوکاریی دارایی هاوپەیمانان دەکرێت بۆ مانگی 12 بەسەر ئەفسەر و پێشمەرگەکانی سەر بە وەزارەت و لیواکانی پیادە، هاوکات هەر ئەو توێژانە مووچەی مانگی 11ـش وەردەگرن.

 

ئەمەش بزانە: بڕی هاوکارییەکە بۆ هەر پێشمەرگەیەک لە نێوان 250 هەزار بۆ 300 هەزار دینار دەبێت، سەرووی 50 هەزار پێشمەرگە دەگرێتەوە.