هاوڵاتییەکی ئەوروپی لە زیندانێکی ئێراندا کۆتایی بە ژیانی خۆی دەهێنێت

ئاڤا نیوز

 

هاووڵاتییەکی سویسری لە نێو زیندانێکی پارێزگای سمنانی ئێران کۆتایی بە ژیانی خۆی هێنا، سویسراش تا ئێستا هیچ لێدوانێکی لەوبارەیەوە نەداوە.

 

وێنە گەروەکە: لە زیندانێکی پارێزگای سمنانی ئێران، هاوڵاتییەکی وڵاتی سویسرا کە بە تۆمەتی سیخوڕی دەستگیر کرابوو بەیانی ڕۆژی پێنجشەممە 09-01-2025 لە شوێنی دەستگیرکردنەکەی خۆی کۆتایی بە ژیانی هێناوە.

 

ڕاگەیێنراوی فەرمی: محەمەد سادق ئەکبەری، سەرۆکی دادوەریی پارێزگای سمنان ڕایگەیاند: ئەو هاووڵاتییە سویسرییە کە بە تۆمەتی سیخوڕیکردن لە پارێزگاکە دەستگیرکراوە، کۆتایی بە ژیانی هێنا.

 

زانیاریی زیاتر: ناوی ئەو هاووڵاتییە ئاشکرا نەکراوە و سویسراش تا ئێستا هیچ لێدوانێکی لەسەر ئەو هەواڵە نەداوە.

 

باکگراوند: لە ماوەی ساڵانی ڕابردوودا، سوپای پاسدارانی کۆماری ئیسلامیی ئێران، دەیان کەسی دوو ڕەگەزنامەیی و بیانییان دەستبەسەر کردووە کە زۆربەیان بە تۆمەتی سیخوڕی و بابەتی ئەمنییەت دەستبەسەر کراون.