دوای 15 ساڵ سەرۆکوەزیرانی لوبنان سەردانی دیمەشق دەکات

ئاڤا نیوز

 

دوای 15 ساڵ بۆ یەکەمجار سەرۆکوەزیرانی لوبنان وەک یەکەمین سەرکردەیی لوبنانی لەدوای کەوتنی دەسەڵاتی بەشار ئەسەد سەردانی سووریا دەکات و لەگەڵ ئەحمەد شەرع، بەرپرسی ئیدارەی نوێی سووریا کۆدەبێتەوە.

 

زانیاریی بەدەستهاتوو: سەرچاوە لوبنانییەکان بڵاویانکردۆتەوە، ''ئەمڕۆ شەممە 11-1-2025 نەجیب میقاتی، سەرۆکوەزیرانی لوبنان سەردانی دیمەشقی پایتەختی سووریا دەکات و لەگەڵ بەرپرسانی باڵای نوێی وڵاتەکە کۆدەبێتەوە، هاوکات ئەم سەردانە بانگێهشتنامەی ئەحمەد شەرع بوو بۆ میقاتی ''.

 

بۆچی گرنگە: ئەمە دەبێتە یەکەم سەردانی سەرۆکوەزیرانی لوبنان بۆ سووریا لە ماوەی 15 ساڵی ڕابردوودا.

 

ئەمەش بزانە: لەگەڵ دەستبەکاربوونی جۆزێف عون وەک سەرۆککۆماری نوێی لوبنان لە 9-1-2025 لە وتاری دەستبەکاربوونیدا بەڵێنی دا کە پەیوەندییەکی باش لەگەڵ سووریا دروست بکات، لەلایەکی دیکەشەوە سووریا هەوڵەکانی خستۆتەگەڕ بۆ بەهێزکردنی پەیوەندییەکانی لەگەڵ وڵاتانی دراوسێ.