هاکان فیدان و حەماس تاوتوێی ئاگربەست دەکەن

ئاڤا نیوز 

 

هاکان فیدان، وەزیری دەرەوەی تورکیا لە پەیوەندییەکی تەلەفۆنیدا لەگەڵ خەلیل حەییە، ئەندامی مەکتەبی سیاسی حەماس تاوتوێی دواین پێشهاتەکانی غەززەیان کرد.

 

وێنە گەورەکە: تورکیا هەر لەسەرەتای شەڕی حەماس و ئیسرائیل لە 7ی ئۆکتۆبەری 2023وە، پشتیووانی خۆی بۆ حەماس دەربڕی و سەرجەم پەیوەندییە سیاسی و بازرگانییەکانی لەگەڵ ئیسرائیل ڕاگرت.

 

ڕاگەیێنراوی فەرمی: بەگوێرەی هەواڵێکی ئاژانسی ئەنکا، فیدان بە تەلەفۆن قسەی لەگەڵ حەییە کردووە و لە پەیوەندییە تەلەفۆنییەکەدا باسیان لە دوایین هەوڵەکان بۆ گەیشتن بە ڕێککەوتنی ئاگربەستی غەززە کردووە.

 

زانیاریی زیاتر: سەرەڕای هەوڵی وڵاتان بۆ ڕاگرتنی شەڕ لە غەززە هێشتا وێرانکارییەکان لەو شارە بەردەوامە، تاوەکو ئێستا زیاتر لە 40 هەزار کەس کوژراون و 66 هەزاری دیکەش برینداربوون.