کاردانەوەی وڵاتان دوای ڕاگەیاندنی ئاگربەستی غەززە

ئاڤا نیوز

ئاگربەستی غەززە داوی زیاتر لە 471 ڕۆژ شەڕ لەو کەرتە، دەنگدانەوەی لە جیهان دروست کرد و کاردانەوەی وڵاتانی بەدوای خۆیدا هێنا، وڵاتان داوا لە حەماس و ئیسرائیل دەکەن پابەندی ئاگربەستەکە بن.

چیرۆکی سەرەکی: لە کاتژمێر 12.15ی دوای نیوەڕۆیی یەکشەممە 19ـی 1ـی 2025 ئاگربەستی نێوان حەماس و ئیسرائیل دوای سێ کاتژمێر لە دواخستن لەلایەن ئیسرائیلەوە، جێبەجێکرا. بە پێی ڕێککەوتنەکە لە قۆناغی یەکەمی ئاگربەستەکەدا، ماوەی 42 ڕۆژ شەڕ لە کەرتی غەززە رادەگیرێت و 33 بارمتەی ئیسرائیل ئازاددەکرێت.

کاردانەوەکان:

- جۆ بایدن، سەرۆکی ئەمریکا کە وڵاتەکەی نێوەندگیربوو لە ئاگربەستەکەدا ڕایگەیاند، چاوەڕێ دەکەم ڕێککەوتنەکانی ئاگربەستی غەززە بە تەواوی جێبەجێ بکرێت.

- کیر ستارمەر، سەرۆکوەزیرانی بەریتانیا: لە پێناو چارەسەری ئاشتەوایی بۆ غەززە، ئامادەین بۆ هەموو جۆرە پاڵپشتییەک. دەمانەوێت قۆناغەکانی ئاگربەست و  مەرجەکانی ڕێککەوتن بێ کەمووکوڕی جێبەجێ بکرێت.

- ئۆلاف شۆڵز، ڕاوێژکاری ئەڵمانی: خەڵکی غەززە ئازاری گەورەیان چەشتووە، پێویستە بەخێرایی هاوکاریی مرۆیی بگاتە غەززە.

- ئەنتۆنیۆ گۆتێرس، سکرتیری گشتی نەتەوە یەکگرتووەکان: بۆ ئەوەی هاوکارییە مرۆییەکان بگەنە غەززە، پێویستە بەربەستە سیاسییەکان و پارێزبەندییەکان هەڵبگیرێن.

- ئیسپانیا: پارێزگاریکردن لە ئاگربەستەکە مەرجە،  ئازادکردنی بارمتەکان و گەیاندنی هاوکارییە مڕۆییەکان خواستی ئێمەیە.

- پاپا فرانسیس: پێویستە دەستبەجێ ڕێز لە ئاگربەست بگیرێت و هاوکاری پێویست بگاتە خەڵکی غەززە.