ترەمپ کار لەسەر قۆناغی دووەمی ئاگربەستی غەززە دەکات

 

ئاڤا نیوز

لەگەڵ دەستبەکاربوونی وەک سەرۆکی ئەمریکا، دۆناڵد ترەمپ هەوڵەکانی خستۆتەگەڕ بۆ ڕێککەوتن لەسەر قۆناغی دووەمی ئاگربەستی غەززە.

چیڕۆکی سەرەکی: ڕۆژی 2025-1-19، ئاگربەستی نێوان ئیسرائیل و حەماس بە سێ قۆناغ چووە بواری جێبەجێکردنەوە و لە چوارچێوەی قۆناغی یەکەمی ئاگربەستەکەشدا، ئاڵوگۆڕی دیلەکان لە نێوان ئیسرائیل و حەماسدا کرا،

بڵاوکراوەی فەرمی: ماڵپەڕی پۆلیتیکۆ بڵاویکردەوە، ''ئیدارەی دۆناڵد ترەمپ دەستیکردووە بە کارکردن لەسەر قۆناغی دووەمی ڕێککەوتنی ئاگربەست و  ئاڵۆگۆڕکردنی بارمتەکان لە نێوان ئیسرائیل و حەماس، هەر یەکە لە مایک واڵتز ڕاوێژکاری ئاسایشی نیشتمانی دۆناڵد ترەمپ و مارکۆ رۆبیۆ وەزیری دەرەوەی ئەمریکا ڕاسپێردراون لەسەر کاردن بۆ ئەم پرسە''.

بەرپرسان و ڕاوێژکارانی دۆناڵد ترەمپ ئاماژەیان بەوەکردووە کە ''قۆناغی دووەمی ئاگربەستی نێوان ئیسرائیل و حەماس ئاسان نابێت''