فوئاد حوسێن: هێرشی تورکیا بۆ سەر کوردانی سووریا ڕەتدەکەینەوە

ئاڤا نیوز

 

وەزیری دەرەوەی عێراق ئاشکرایکرد، دانووستانەکانیان لەگەڵ ئیدارەی دۆناڵد ترەمپ، سەرۆکی ئەمریکا بەردەوام دەبێت، هاوکات هەموو جۆرە هێرشێکی تورکیا بۆ سەر کوردانی سووریا ڕەتدەکەینەوە.

 

وێنە گەورەکە: لەدوای دەستبەکاربوونی ئیدارەی نوێی ئەمریکا، وەزیری دەرەوەی عێراق لە کۆنفرانسێکی ڕۆژنامەوانیدا باس لە پەرەپێدانی پەیوەندیی نێوان دەکات و دەڵێت لە دانووستاندنەکان بەردەوام دەبین. 

 

لێدوانی فەرمی: فوئاد حوسێن، وەزیری دەرەوەی عێراق ئاماژە بەم چەند خاڵەدا:

 

-  هیچ ئاماژەیەک بۆ لێکنزیکبوونەوەی ئێران و ئەمریکا نییە و گرژییەکانی نێوان ئەو دوو وڵاتە ڕاستەوخۆ کاریگەری لەسەر عێراق هەیە.

 

-   لەبارەی ئەگەری هێرشی تۆرکیا بۆ سەر ڕۆژئاوای کوردستان، وەزیری دەرەوەی عێراق ئاماژەی بەوەکرد، هەموو جۆرە هێرشێکی تورکیا بۆ سەر کوردانی سووریا ڕەتدەکەینەوە.

 

-  تاوەکو ئێستا زیاتر لە 250 هەزار پەنابەری سووریا لە عێراق نیشتەجێن، هاوکات چەکدارانی داعش هێشتا هەڕەشەن بۆ سەر عێراق و سووریا و هەردوو وڵات پێکەوە کاردەکەن بۆ ڕووبەڕووبوونەوەیان.