ئەمریکا و میسر جەخت لە جێبەجێکردنی ئاگربەستی غەززە دەکەنەوە

ئاڤا نیوز

 

لەدوای ڕاگەیاندنی ئاگربەستی غەززە، هەر یەکە لە مارکۆ ڕوبیۆ، وەزیری نوێی دەرەوەی ئەمریکا لەگەڵ هاوتا میسرییەکی بەدرعەبدولعەتی، جەختیان لە گرنگی جێبەجێکردنی تەواوەتەی ئاگربەستی غەززە کردەوە. 

 

چی ڕوودەدات: مارکۆ ڕوبیۆ، وەزیری دەرەوەی ئەمریکا پەیوەندییەکی تەلەفۆنی لەگەڵ عەبدولعەتی، وەزیری دەرەوەی میسر ئەنجامدا، جەختی لەسەر گرنگی جێبەجێکردنی تەواوەتی ڕێککەوتنی ئاگربەست لە کەرتی غەززە و ڕێزگرتن لە مەرجەکانی کردەوە.

 

زانیاریی بەدەستهاتوو: لە میانەی پەیوەندییە تەلەفۆنییەکە، عەبدولعەتی جەختی لە گرنگی بەردەوامی هەماهەنگی نێوان میسر و قەتەر و ئەمریکا کردەوە بۆ دڵنیابوون لە جێبەجێکردنی تەواوی ڕێککەوتنی ئاگربەست لە غەززە، هاوکات کارکردن لەسەر قۆناغەکانی داهاتووی ئاگربەستەکە.

 

باکگراوند: دوای 15 مانگی شەڕی نێوان ئیسرائیل و حەماس، دواجار لە 15-01-2025، ئەمریکا، قەتەر و میسر کە نێوەندگیریی ئاگربەستی غەززە دەکەن، ڕازیبوونی ئیسرائیل و حەماسیان لەسەر ئاگربەست و ئاڵوگۆڕی بارمتە و بەندکراوەکان ڕاگەیاند، لە 19-1-2025 ئاگربەست کەوتە بواری جێبەجێکردنەوە.