لەبارەی کارەبای 24 کاتژمێریی خاوەن دووكانەكانی ناوبازاڕی سلێمانی ئاگادار دەکرێنەوە

ئاڤا نیوز

پرۆژەی ڕووناکی لە سەرتاسەری هەرێمی کوردستان بەردەوامە لە فراوانکردنی تۆڕی کارەبای نیشتمانیی 24 کاتژمێری و بەڕێوەبەرایەتیی کارەبای سلێمانیش لەوبارەیەوە هاوبەشان ئاگادار دەکاتەوە.

 

ڕاگەیێنراوی فەرمی: بەڕێوەبەرایەتیی کارەبای سلێمانی ئاگاداری هاوبەشانی كارەبای ناو بازاڕ لە شەقامەکانی کاوە، ئەسحابەسی، سابونکەران و ئۆرزدی دەکاتەوە لەوەی ڕۆژانە لە کاتژمێر 8ی بەیانی تاوەکو 4ی ئێوارە کارەبای نیشتمانیان نابێت، بەهۆی كاركردنی تیمەكانی پێوەری زیرەك بۆ پرۆژەی رووناكی.

 

ئەوەی پێویستە بیزانیت: بە فەرمانی سەرۆكوەزیران مەسرور بارزانی، پڕۆژەی ڕووناكی لە تەواوی هەرێمی كوردستان بە هاوتەریبی جێبەجێ دەکرێت، دەبێت سەرجەم دانیشتووانی هەرێمی کوردستان ببنە خاوەنی كارەبای 24 كاتژمێری.

 

زانیاریی زیاتر: پێوەری زیرەک بەشێوەیەکی ئۆتۆماتیکی کار دەکات، هاونیشتمانیان لەڕێگەیەوە چاودێری بەکارهێنانی کارەبا دەکەن، لەکاتی بەکارهێنانی کارەباش بەشێوەیەکی بەرزتر لەڕێژەی خۆی، ئەوا دەکوژێتەوە و دوای چەند خۆلەکێک کارەبا دێتەوە.

 

بۆچی گرنگە: کارەبای 24 کاتژمێری دەبێتە هۆی لابردنی هەزاران مۆلیدە لە سەرتاسەری هەرێمی کوردستان، کە کاریگەری لەسەر پاکبوونەوەی سەرتاسەریی ژینگە دەبێت.