سوپای ئیسرائیل لە باکووری کەرتی غەززە دەست بە کشانەوە دەکات

ئاڤا نیوز

 

میدیا ئیسرائیلییەکان بڵاویانکردەوە، هێزەکانی ئیسرائیل دەستیانکردووە بە کشانەوە لە ناوچەی نەتسەریم لە باکووری کەرتی غەززە.

 

وێنە گەورەکە: ڕۆژی 27-2-2025، لە چوارچێوەی قۆناغی یەکەمی ئاگربەستی ئیسرائیل و حەماس، سوپای ئیسرائیل وردە وردە دەست دەکات بە کشانەوە لە ڕۆژئاوای ناوچەی نەتسەریم، لە باکووری کەرتی غەززە بۆ ڕێگەدان بە گەڕانەوەی هاووڵاتییان تاوەکو بگەڕینەوە بۆ ماڵ و شوێنی نیشتەجێبوونیان.

 

بڵاوکراوەی فەرمی: سوپای ئیسرائیل هۆشداری دا لە گواستنەوەی چەکداران یان چەک لەم ڕێگایانەوە بۆ باکووری کەرتی غەززە و ڕایگەیاند: ئەمە  "پێشێلکردنی ڕێککەوتنەکەیە''. 

 

زانیاریی زیاتر: ئامادەکارییەکانی وەزارەتی تەندروستی غەززە، لە شەقامەکانی غەززە تەواو کراون بۆ پێشوازی کردن لە ئاوەرەکان و دڵنیابوون لە تەندروستییان، هاوکات ڕێگە بە هاوکارییە مرۆییەکان دەدرێت بۆ چوونە ناو کەرتی غەززە.

 

باکگراوند: ڕۆژی 15-1-2025، دوای 15 مانگ شەڕ لە نێوان ئیسرائیل و حەماس ئاگربەست لە غەززە، بە نێوەندگیری میسر و قەتەر و ئەمریکا ڕاگەیێنرا.