سبەی شاندی کوردستان بۆ مووچە دەچێتە بەغدا

ئاڤا نیوز

 

بەگوێرەی زانیارییەکانی ئاڤا میدیا بڕیارە سبەی پێنجشەممە شاندی باڵای هەرێمی کوردستان بچێتە بەغدا و ڕۆژی هەینی لەبارەی مووچەی خەڵکی کوردستان لەگەڵ بەرپرسانی باڵای عێراق کۆدەبنەوە.

وێنە گەورەکە: سەردانەکە دوای کۆبوونەوەی ئەمڕۆ چوارشەممەی شاندی باڵای کوردستان لە وەزارەتی دارایی و ئابووری لە هەولێر دێت، کە لە کۆبوونەوەکەدا لیستی مووچە و لیستی خانەنشینان و میزان موراجەعەی مانگی 12ی ساڵی ڕابردوو گفتوگۆیان لەسەر کرا و سەرجەمیان تەواو بوون.

 

ئەوەی پێویستە بیزانیت: ئاڤا زانیویەتی، لیستەکان بەجۆرێکن هەموو بیانووەکانی بەغدا بڕاون، بەو پێیەی شاندەکانی خۆیان بەشدار بوون لە ئامادەکردنی ڕاپۆرتەکان.

 

لەلایەکی دیکە: بەگوێرەی زانیارییەکانی ئاڤا کاتژمێر بڕیارە هەشتی ئەمشەو لەبارەی هەموارکردنەوەی یاسای بودجە و پرسی مووچەی خەڵکی کوردستان لە بەغدا کۆبوونەوەیەک لە ماڵی محەممەد شیاع سوودانی، سەرۆکوەزیرانی عێراق بکرێت.