سەرۆکی میسر پێشنیازێکی ترەمپ ڕەتدەکاتەوە

 

ئاڤا نیوز

دوای ئەوەی دۆناڵد ترەمپ سەرۆکی ئەمریکا پێشنیازێکی سەبارەت بە غەززە پێشکەش بە وڵاتانی عەرەبی وەک میسر و ئوردن کرد، میسر وەڵامی پێشنیازەکەی دەداتەوە.

چیڕۆکی سەرەکی:  دۆناڵد ترەمپ، سەرۆکی ئەمریکا پلانی چۆڵکردن و ڕاگواستنی دانیشتووانی کەرتی غەززەی خستەڕوو، بۆ ئەو مەبەستەش داوای لە میسر و ئوردن کرد فەڵەستینییەکانی نیشتەجیێی غەززە بگوازنەوە وڵاتەکانیان.

لێدوانی فەرمی: عەبدولفەتاح سیسی سەرۆکی میسر ڕایگەیاند، ڕاگواستنی گەلی فەلەستین ستەمە و بەشداری لەو پرۆسەدا ناکەین، ئێمە بڕیارمانداوە لەگەڵ ترەمپ کاربکەین بۆ گەیشتن بە ئاشتی لەنێوان هەردوو دەوڵەتی  فەلەستین و ئیسرائیل.

قووڵتر: ئەمریکا بەسەرۆکایەتیی دۆناڵد ترەمپ، لە نزیکەوە چاودێری دۆخی غەززە دەکات، نوێترین بیرۆکەشی گواستنەوەی دانیشتووانی کەرتی غەززەیە بۆ وڵاتانی ئوردن و میسر، بۆ ئەم بابەتەش ئەمریکا لەنزیکەوە لەسەر هێڵە لەگەڵ هەردوو وڵات، بەڵام تاوەکو ئێستا هەردوو وڵات پێشنیازەکەیان ڕەتکردۆتەوە