ترەمپ: میسر و ئوردون خەڵکی غەززە وەردەگرن

ئاڤا نیوز

دۆناڵد ترەمپ، سەرۆکی ئەمریکا دوپاتی دەکاتەوە کە هەر یەکە لە میسر و ئوردن ئاوارەکانی غەززە وەردەگرن.

ئەوەی پێویستە بیزانیت: ئەم لێدوانەی ترەمپ لە کاتێکدایە کە هەر یەکە لە عەبدولفەتاح سیسی، سەرۆکی میسر و شا عەبدوڵای دووەم، شای ئوردون، پلانی گواستنەوەی ئاوارەکانی غەززەیان لە فەلەستینەوە بۆ وڵاتەکانیان ڕەتکردووەتەوە.

بۆچوونی بەرامبەر: سەبارەت بە هەڵوێستی ئەمریکا لە بەرامبەر ئەم ڕەتکردنەوەیەی میسر و ئوردون، ترەمپ بە میدیاکارانی گوتووە "ئەوان ئاوارەکانی غەززە وەردەگرن و ئەو کارە دەکەن. ئێمە کاری زۆرمان بۆ ئەوان کردووە، ئەوانیش ئەو کارە دەکەن."

ئەمەش بزانە: دوای ئاگربەستی غەززە، ترەمپ ئەو پلانەی ڕاگەیاند کە غەززە "خاوێن" بکرێتەوە و ئاوارەکان بۆ شوێنێکی "ئارامتر" بگوازرێنەوە.