دەروازەی ڕەفەح لە غەززە کرایەوە و 50 نەخۆش گواسترانەوە نەخۆشخانەکانی میسر

ئاڤا نیوز

دوای هەشت مانگ لە داخستنی، جارێکی دیکە دەروازەی ڕەفەح بۆ گواستنەوەی بریندارەکانی فەلەستین و هاوکارییە مرۆیی و تەندروستییەکان کرایەوە، ڕاستەوخۆ 50 نەخۆشی غەززە بۆ نەخۆشخانەکانی مسڕ گواسترایەوە و یەکەم بارهەڵگری هاوکاری تەندروستی گەیشتە غەززە.

چیرۆکی سەرەکی: ئەمڕۆ دەروازەی ڕەفەح کە لە مانگی 5ـی ساڵی ڕابردووەوە، کە هاوکارییە مرۆیی و تەندروستییەکانی پێدا دەگوازرایەوە، داخرابوو، بە ڕەزامەندی ئیسرائیل لەچوارچێوەی ڕێککەوتنی ئاگربەستی غەززە دووبارە کرایەوە.

لێدوانی فەرمی: دکتۆر محەمەد زەقوت، بەڕێوەبەری گشتی تەندروستی غەززە گوتی: 50 منداڵ و نەخۆش لە غەززەوە بە دەروازەی ڕەفەحەوە گواسترانەوە بۆ نەخۆشخانەکانی مسڕ بۆ وەرگرتنی چارسەری پێویست.

زانیاریی زیاتر: تەندروستی غەززە داوای کردووە بەشێک لە نەخۆش و بریندارەکانی غەززە بۆ نەخۆشخانە تایبەتەکانی تورکیا و قەتەڕ و ئیمارات بگوازرێنەوە.

قووڵتر: بە گوێرەی ڕێککەوتنی قۆناغی یەکەمی ئاگربەست کە بۆ ماوەی 42 ڕۆژە، هێزەکانی ئیسرائیل لە میحوەری فلادلیفیا دەمێننەوە، بەڵام سەرکردەکانی حەماس دەڵێن، لە قۆناغی دووەم دانووستان دەکرێت بۆ ئەوەی لە قۆناغی سێیەمی ئاگربەست "سووپای ئیسرائیلی داگیرکەر بە تەواوی لە ناوچەکە بکشێنەوە".