هاکان فیدان سەردانی قەتەر دەکات

ئاڤا نیوز

 

هاکان فیدان، وەزیری دەرەوەی تورکیا سەردانی قەتەر دەکات، ئەم سەردانەی فیدان دوای ئاگربەستی نێوان حەماس و ئیسرائیلە، کە قەتەر وڵاتی نێوەندگیر بوو. 

 

وێنە گەورەکە: تورکیا و قەتەر پەیوەندییەکی ستراتیژی و دبیلۆماسی تایبەت لەسەر پرسی غەززە کۆیان دەکاتەوە، ئەم سەردانەی فیدان لە چوارچێوەی نێوەندگیریی و هەوڵەکانی بۆ درێژکردنەوەی ئاگربەستی غەززە دەبێت، کە ئێستا لە قۆناغی یەکەمی ئاگربەستەکەدان و دانووستان بۆ قۆناغەکانی دیکە بەردەوامە. 

 

ئەوەی پێویستە بیزانیت: لە ساڵی 2015ەوە ئەنجوومەنی باڵای ستراتیژی بۆ کاری هاوبەش لەنێوان ئەو دووڵاتە پێکهێنراوە و 109 ڕێککەوتن لەنێوانیان واژۆ کراوە.

 

باکگراوند: دوایین کۆبوونەوەی نێوان قەتەر و تورکیا لە 14-11-2024 بوو بە سەرپەرشتی ڕەجەب تەیب ئەردۆغان، سەرۆککۆماری تورکیا و شێخ تەمیم بن حەمەد ئال سانی، میری قەتەر، کۆبوونەوەکەیان لە ئەنقەرە بەڕێوەچوو.