دانە غاز: بەرهەمهێنان لە کێڵگەی کۆرمۆر بەردەوامە

 

ئاڤا نیوز

کۆمپانیای دانە غازی ئیماراتی ڕایدەگەیێنێت، کارەکانی بەرهەمهێنان لە کێڵگەی غازی کۆرمۆر لە هەرێمی کوردستان بە شێوەیەکی ئاسایی بەردەوامە.

وێنە گەورەکە: ئێوارەی ڕۆژی یەکشەممە 2025-02-02، درۆنێکی بۆمبڕێژکراو ئاراستەی کێڵگەی غازی کۆرمۆر لە سنووری چەمچەماڵ کرا، کە سەرچاوەی سەرەکی دابینکردنی غازی ماڵان و کارەبایە بۆ هەرێمی کوردستان، هێرشەکەش هیچ زیانێکی گیانی و ماددی لێ نەکەوتەوە.

ڕاگەیێنراوی فەرمی: بە گوێرەی ڕاگەیێنراوەکەی دانە غاز:

- ئێوارەی ڕۆژی یەکشەممە 2ـی شوباتی 2025، کێڵگەی کۆرمۆر لەلایەن فڕۆکەیەکی بێفڕۆکەوانەوە کرایە ئامانج، بەڵام هێرشەکە هیچ زیانێکی گیانی نەبووە و هاوکات کاریگەری لەسەر دامەزراوە بەرهەمهێنانیش نەبووە.

- پرۆسەی بەرهەمهێنان بە شێوەیەکی ئاسایی بەردەوامە لەژێر ڕۆشنایی ئەو ڕێوشوێنە ئەمنیانەی بۆ دڵنیابوون لە سەلامەتی سەرجەم کارمەندان و سەروەت و سامانەکان گیراونەتەبەر.

- کۆمپانیاکە لە نزیکەوە هەماهەنگی لەگەڵ هەموو لایەنە پەیوەندیدارەکان و هێزە ئەمنییەکان دەکات کە لە نزیکەوە چاودێری دۆخەکە دەکەن بۆ دڵنیابوون لەوەی کارەکان بەشێوەیەکی سەلامەت بەردەوام بن.

- دانەغاز، پیرڵ پترۆلیۆم و سەرجەم هاوبەشەکانی پابەندنی خۆیان بە دەستەبەرکردنی کارپێکردنی دامەزراوەکانی بەرهەمهێنانی غازی کۆرمۆر دووپات دەکەنەوە. بە شێوەیەک کە بەرژەوەندیی خەڵکی هەرێمی کوردستان و عێراق بە گشتی بپارێزێت.

ئەوەی پێویستە بیزانیت: ڕاستەوخۆ دوای هێرشەکە محەممەد شیاع سوودانی، فەرماندەی گشتی هێزە چەکدارەکان فەرمانیکرد بە پێکهێنانی لیژنەیەکی لێکۆڵینەوەی ئەمنیی و هونەری بۆ بەدواداچوون لەسەر هێرشەکە