ئەحمەد شەرع: هەسەدە ئامادەیی دەبڕیوە بۆ چەک داماڵین

 

ئاڤا نیوز

سەرۆککۆماری سووریا دووپاتی دەکاتەوە کە هێزەکانی سووریای دیموکرات(هەسەدە) ئامادەیی هەیە بۆ کۆکردنەوەی چەک لە چوارچێوەی دەوڵەت، بەڵام هەردوولا بۆچوونی جیاوازیان دەربارەی هەندێک وردەکاری هەیە.

 

 

وێنە گەورەکە: ئەحمەد شەرع، سەرۆککۆماری نوێی سووریا چاوپێکەوتنێکی لەگەڵ کەناڵی "سووریا" ئەنجامدا و چەند پرسێکی خستەڕوو، جەختی کردەوە ئەوان کاردەکەن لەپێناو پێکهێنانی سوپایەکی نیشتیمانی بۆ سەرجەم سوورییەکان.


لێدوانی فەرمی: ئەحمە شەرع، سەرۆککۆماری نوێی سووریا لە چاوپێکەوتنێکدا وتی:

•    هەمووان جەخت لەسەر یەکگرتوویی سووریا دەکەنەوە و دابەشبوون یان جیابوونەوە لە هەر پارچەیەک ڕەتدەکەنەوە، گفتوگۆ لەگەڵ هەسەدە بۆ چارەسەرکردنی مەلەفی باکوور و ڕۆژهەڵاتی سووریا لەئارادایە.

•    هەسەدە ئامادەیی خۆی دەربڕیوە بۆ کۆکردنەوەی چەک لە چوارچێوەی دەوڵەت، بەڵام بۆچوونی جیاواز لەسەر چەند وردەکارییەکەدا هەیە.

•    کۆنتڕۆڵکردنی چەک و کۆکردنەوەی لە چوارچێوەی دەوڵەت لەکارە لەپێشینەییەکانمانە، پێشتر سوپای سووریا دڵسۆزی بۆ بنەماڵەیەکی دیاریکراو بوو، ئەمڕۆ کاردەکەین بۆ پێکهێنانی سوپای نیشتیمانی بۆ سەرجەم سورییەکان.

•   شەرع وتیشی؛ شەڕی ڕووخاندنی ڕژێمی ئەسەد لە ماوەی 11 ڕۆژدا، دەرئەنجامی پێنج ساڵ پلاندانانی ورد بوو لە ئیدلب.

ئەوەی پێویستە بیزانیت: ئیدارەی ئۆپەراسیۆنە سەربازییەکانی سووریا ڕۆژی 29ـی مانگی ڕابردوو، ئەحمەد شەرعی وەکو سەرۆککۆماری سووریا دیاریکرد.

باکگراوند: ڕۆژی 2024-12-08، دوای 11 ڕۆژ لە ئۆپەراسیۆنی سەربازی، دەستەی تەحریرولشام و چەندین گرووپی چەکداری ئۆپۆزیسیۆنی سووریا بە سەرۆکایەتیی ئەحمەد شەرع کۆتاییان بە دەسەڵاتی بەشار ئەسەد هێنا.