ڕێککەوتنی نێوان کوردستان و عێراق مووچەی مانگی 12ی تێدا نییە

ئاڤا نیوز

ڕێککەوتنی نێوان حکومەتی هەرێمی کوردستان و حکومەتی عێراق بۆ 12 مانگەکەی ساڵی 2025ـە و مووچەی مانگی 12ی ساڵی ڕابردووی تێدا نییە.

زانیاریی تایبەت: لە کۆبوونەوەکانی ئەم هەفتەیە جارێکی دیکە تەیف سامی، وەزیری دارایی عێراق دووبارە بە شاندی باڵای هەرێمی کوردستانی وتووە، "مووچەی مانگی 12ـی ساڵی ڕابردوو نانێرم و تەواوی پارەی ساڵەکەم ناردووە".

ئەمەش بزانە: حکومەتی هەرێمی کوردستان بودجەی پێویستی نییە بۆ دابینکردنی مووچەی مانگی 12، بۆ ئەم مەبەستە دوو پێشنیازی بۆ دابینکردنی ئەم مووچەیە هەیە: وەرگرتنی پارە بە قەرز لە بەغدا و دانانی گوژمەیەک لە بودجەی ئەمساڵ، بەڵام تا ئیستا هیچ ئەنجامێکیان نەبووە.