میسر هێزی زیاتر لەسەر سنووری غەززە و ئیسرائیل جێگیر دەکات

ئاڤا نیوز

دوابەدوای ئەوەی ترەمپ نیازی خۆی بۆ گواستنەوەی خەڵکی غەززە بۆ میسر و ئوردن دەربڕی، میسر هێزی زیاتر لەسەر سنووری لەگەڵ غەززە و ئیسرائیل جێگیر دەکات.

چی ڕوودەدات: بەگوێرەی چەند گرتە ڤیدیۆیەک کە میدیاکانی عەرەبی و میسری بڵاویان کردۆتەوە، میسر چەندین تانک و سەربازی زیاتر لە ناوچەی ڕەفەح لە سنووری نێوان خۆیی و غەززە جێگیر دەکات.

چیرۆکی سەرەکی: دەروازەی سنووری ڕەفەح لەنێوان میسر و غەززە کرایەوە، دوای ئەوەی سوپای ئیسرائیل لەو ناوچەیە کشایەوە، ئەوەش بەپێی ڕێککەوتنی ئاگربەستی نێوان ئیسرائیل و گرووپە فەلەستینییەکان کە لە 19ـی مانگی ڕابردوو کەوتە بواری جێبەجێکردن.

لە لایەکی دیکەوە: هەر بەپێی ڕێکەوتنی ئاگربەست، پێویستە ئیسرائیل لە دەروازەی فیلادیلفیا (میحوەری سەڵاحەددین) لەسەر سنووری میسر لە غەززە لە کۆتایی قۆناغی یەکەمی ڕێککەوتنەکە بکشێتەوە، بەڵام تاوەکو ئێستا ئیسرائیل نیازی کشانەوەی پیشان نەداوە.