بۆنی ناخۆشی کارگەیەکی زەیت خەڵکی گوندێکی دهۆک نیگەران دەکات

ئاڤا نیوز

 

بۆنی کارگەیەکی بەرهەمهێنانی زەیت خەڵکی گوندێکی لە قەزای سێمێل لە دهۆک نیگەران کردووە و بەگوتەی دانیشتووانی گوندەکە، 10 خێزان  بەهۆی بۆنی ئەو کارگەیەوە خانووەکانی خۆیان فرۆشتووە و ئەو گوندەیان چۆڵ کردووە.

 

وێنە گەورەکە: کارگەکە لە گوندی گرەشێ لە قەزای سێمێلە لە پارێزگای دهۆک، کارگەکە لە ساڵی 2018ـيوە دەستی بە بەرهەمهێنانی زەیت کردووە، بەرهەمی کارگەکە بەزۆری بۆ ناوچەکانی خوارووی عێراق ڕەوانە دەکرێت؛ ئێستا خەڵکی ئەو گوندە لەبەر بۆنی ئەو کارگەیە هاواریان لێهەڵساوە و داوا لە حکومەت دەکەن چارەسەرێکیان بۆ بدۆزێتەوە.

 

زانیاریی بەدەستهاتوو: ئاڤا زانیوویەتی لیژنەیەک لەلایەن ئیدارەی پارێزگای دهۆکەوە بۆ ئەو مەبەستە پێکهێنراوە و سەردانی کارگەکەی کردووە.

 

لێدوانی فەرمی: سەردار محەممەد دانیشتوویەکی گوندەکەیە و بە ئاڤای گوت، بەهۆی بۆنی کارگەکەوە خانووەکەم داناوە بیفرۆشم  و ئامادەم گوندەکە جێبهێڵم.