فەڵەستین هۆشداری بە ئیسرائیل دەدات

ئاڤا نیوز

وەزارەتی دەرەوەی فەڵەستین هۆشداری بە ئیسرائیل دا لە هەر هەنگاوێکی ئەو وڵاتە بۆ ئاوارەکردنی خەڵکی کەرتی غەززە بۆ دەرەوەی کەرتەکە.

وێنەگەورەکە: ئەمڕۆ پێنجشەممە، وەزیری بەرگریی ئیسرائیل فەرمانی بە سوپای وڵاتەکەی کرد کە پلانی کۆچپێکردنی هاووڵاتیانی کەرتی غەززە بۆ دەرەوەی ناوچەکە ئامادە بکەن، ئەم هەنگاوەی ئیسرائیل کاردانەوەی فەڵەستینی بەدوای خۆیدا هێنا هۆشداری دا لە جێبەجێکردنی ئەم فەرمانە.

ڕاگەیێنراوی فەرمی: وەزارەتی دەرەوەی فەڵەستین، ڕایگەیاند: ئەم هەنگاوەی ئیسرائیل درێژکراوەی جەنگی قڕکردنە دژبە گەلەکەمان و تاوانی دژی مرۆڤایەتییە، درێژکردنەوەی  داگیرکاری و ململانێ و پێشێلکردنی مافە ڕەواکانی گەلی فەڵەستینن".

ئەوەش بزانە: فەڵەستین پێشوازی لە کۆدەنگی نێودەوڵەتی سەبارەت بە ڕەتکردنەوەی پلانەکانی ترەمپ بۆ کۆچپێکردنی هاووڵاتییانی فەڵەستین و داننان بە دەوڵەتی سەربەخۆی فەڵەستین لە ڕۆژهەڵاتی ناوەڕاست لە چوارچێوەی یاسا نێودەوڵەتییەکان.