بانکی ناوەندی تورکیا پێشبینی هەڵاوسان بەرز دەکاتەوە

ئاڤا نیوز

بانکی ناوەندی تورکیا پێشبینییەکانی بۆ هەڵاوسان لە 21%ـەوە بۆ 24% بەرزکردەوە، ئەمە لە کاتێکدایە ئەو وڵاتە شەش ساڵە تووشی هەڵاوسانی ئابووری بووە.

وێنە گەورەکە: تورکیا لە ساڵی 2019ـەوە تووشی هەڵاوسانی ئابووری بووە، بەمەش تێچووی ژیانی ملیۆنان کەس بە تایبەتی نرخی خوێندن، نیشتەجێبوون، چاودێری تەندروستی، هۆتێل و چێشتخانەکان زیاتر بووە.

ڕاگەیێنراوی فەرمی: فاتیح کەرەهان، سەرۆکی بانکەکە لە کۆنگرەیەکی ڕۆژنامەوانیدا لە ئیستەنبووڵ سەبارەت بە ڕاپۆرتی هەڵاوسانی ساڵی 2025 ڕایگەیاند، پێشبینییەکانی هەڵاوسان بۆ ساڵی 2026 بە ڕێژەی 12% و بۆ ساڵی 2027 بە ڕێژەی 8% دانراوە.

ئەوەی پێویستە بیزانیت: ئەم هەنگاوە دوای ئەوە هات کە بانکی ناوەندی لە کۆتایی ساڵی ڕابردوودا بۆ یەکەمجار لە ماوەی دوو ساڵدا ڕێژەی سوودی کەمکردەوە و ڕایگەیاند، هەوڵەکانیان بۆ سنووردارکردنی هەڵاوسانی بەرز چڕکردووەتەوە.

باکگراوند: مانگی ڕابردوو بانکەکە ڕێژەی سوودی سەرەکی خۆی بۆ 45% دابەزاند، هەڵاوسانی ساڵانەی تورکیا لە مانگی یەکدا بۆ هەشتەمین مانگی لەسەریەک گەیشتە 42.1%.