دوو داواکاری لە بەغداوە بۆ ناردنی مووچەی مانگی دوو

ئاڤا نیوز

 

وەزارەتی دارایی عێراق لەبارەی ناردنی مووچەی مانگی دووی مووچەخۆران، بە نووسراوێکی فەرمی دوو داواکاری لە هەرێمی کوردستان دەکات.

 
نووسراوی فەرمی: نووسراوەکە واژۆی تەیف سامی، وەزیری دارایی عێراقی لەسەرە و بەرواری 2-2-2025 دەرکراوە:


یەکەم: لەگەڵ لیستی مووچە داوای لیستی ئەو فەرمانبەرانە دەکات کە هەژماریی بانکیان هەیە (هەژماری من) کە بەگوێرەی دادگای فیدراڵی پێویستە هەژماری بانکییان بۆ دروست بکرێت.

دووەم: داهاتی ناوخۆی نانەوتی مانگی یەکی ئەمساڵ بخەنە سەر هەژماری وەزارەتی داریی عێراق لە بانکی ناوەندی.

ئەوەی پێویستە بیزانیت: حکومەتی هەرێمی کوردستان لە هەفتەی ڕابردووەوە دەستی بە جێبەجێکردنی ئەرکەکانی کردووە، لەوانە کۆکردنەوە و ناردنی داهاتی ناوخۆ کە 50%ی داهاتی نانەوتی ڕێککەوتنی لەسەر کراوە، لەگەڵ ئامادەکردنی میزان مراجەعەی مانگی یەک (واتا خەرجی وەزارەت و فەرمانگەکان) لەگەڵ ئامادەکردنی لیستی مووچەی مانگی دوو.