بەهۆی شەڕی دوو عەشیرەتی زیقار 75 كەس دەستگیر دەكرێن

ئاڤا نیوز

بەهۆی شەڕی دوو عەشیرەتەوە لە قەزایەكی پارێزگای زیقار لە عێراق، قەدەغەی هاتووچۆی ڕاگەیێنراوە، 75 كەسیش دەستگیركراون.

وێنە گەورەكە: دوای ئەوەی شەوی ڕابردوو شەڕ لە نێوان دوو عەشیرەتدا ڕوویدا و بەهۆیەوە بەڕێوەبەری هەواڵگیری پارێزگای زیقار كوژرا، وەزارەتی ناوخۆ دەڵێت، هەڵمەتێكی دەستگیركردنی ئەو كەسانەی دەستپێكردووە كە لە ڕووداوەكەدا تێوەگڵاون.

ڕاگەیێنراوی فەرمی: كوژرانی عەمید عەزیز شەلال، بەڕێوەبەری هەواڵگری و دژە تیرۆری زیقار لە قەزای ئیسڵاحی سەر بە پارێزگاكە لە ئەنجامی شەڕی دوو عەشیرەتدا پێشێڵكارییەكی گەورەیە بۆ سەر دەسەڵاتی یاسایی. 

زانیاریی زیاتر: لەدوای شەڕەكە وەزارەتی ناوخۆ دەستی بە ئۆپەراسیۆنی بەرفراوان كردووە، قەدەغەی هاتووچۆی سەپاندووە، هێزێكی زۆر بۆ ناوچەكە گواستووەتەوە و تاوەكو ئێستا 75 تۆمەتبار لەسەر ڕووداوەكە دەستگیركراون، دەست بەسەر چەندین جۆری چەكیشدا گیراوە.