ئۆکراینا بەشێک لە  داهاتی سامانە سرووشتییەکانی ڕادەستی ئەمریکا دەکات

ئاڤا نیوز

ڕۆژنامەی نیویۆرک پۆست بڵاویکردووەتەوە،  سەرۆکی ئەمەریکا دووپاتیکردووەتەوە  دەبێت دەستییان بە سامانە سرووشتییەکانی ئۆکراینا بگات.

لێدوانی فەرمی: دۆناڵد ترەمپ، سەرۆکی ویلایەتە یەکگرتوەکانی ئەمەریکا ڕایگەیاند:

- ئۆکراینا ڕەزامەندی دەربڕیوە بە ڕادەستکردنی نیو تریلیۆن دۆلار لە کانزا دەگمەنەکانی ژێر زەوی بە ئەمەریکا ئەمەش لە بەرامبەر ئەو هاوکارییە سەربازییانەی واشنتن پێشکەشی کیێڤی کردووە.

- بە بەهای زیاتر لە 300 ملیار دۆلار یارمەتیمان پێشکەش بە ئۆکراینا کردووە، ئەم بڕەش  زیاترە لە هەر وڵاتێکی دیکە کە هاوکاری سەربازیی پێشکەش بە ئۆکراینا کردووە لە کاتی شەر دژی ڕووسیا.

زانیاریی زیاتر: نزیکەی %5 سەرچاوە کانزاییەکانی جیهان لە  ئۆکراینادایە،  وڵاتەکە دەوڵەمەندە بە نەوت و کانزاکانی  تیتانیۆم، یۆرانیۆم، ئاسن، مەنگەنیز و لیتیۆم، هەروەها چەندین کانزای  دیکەی دەگمەنی هەیە کە ئەمەش وادەکات  بۆ ئاسایشی نیشتمانی ئەمەریکا  گرنگ بێت و چاویان لەم کانزایانە بێت.