وەزارەتی دارایی لیستی مووچە دەداتە بەغدا

ئاڤا نیوز

وەزارەتی دارایی و ئابووریی حكومەتی هەرێمی كوردستان، لیستی مووچەخۆرانی سەرجەم وەزارەتەكان بەپێی داواكاری بەغدا ئامادە دەكات و بۆ وەزارەتی دارایی عێراقی دەنێرێت. 

لێدوانی فەرمی: بڕیار وایە وەزارەتی دارایی و ئابووریی حكومەتی هەرێمی كوردستان، بەزووترین کات لیستی مووچەخۆرانی هەرێمی كوردستان بەپێی داواكاری بەغدا تەواو بكات و بینێرێت. مەولود سابیر، بەڕێوبەری گشتیی بانكە بازرگانییەكانی هەرێمی كوردستان وای بە ئاڤا نیوز گوت.

 

بۆچی گرنگە: بە ناردنی لیستی مووچە بەغدا ڕاستەوخۆ پارە بۆ هەرێمی كوردستان دەنێرێت و دەست بە دابەشكردنی مووچەی مانگی شووبات دەكرێت.

باكگراوند:  دوای بڕیارەكەی دادگەی فیدڕاڵی عێراق، لەبارەی مووچەی مووچەخۆرانی هەرێمی كوردستان، بەغدا داوای لیستی مووچەی لە هەرێمی كوردستان كرد بۆ ئەوەی مووچەی مانگی دووی فەرمانبەران ڕەوانە بكات و بۆ مانگی سێ داوای كردووە هەژماری بانكی بۆ مووچەخۆرانی دروست بكرێت.