لە لیستی گەندەڵی وڵاتاندا عێراق ڕیکۆردی نوێ دەشكێنێت

ئاڤا نیوز

لە ڕیزبەندی شەفافییەتی وڵاتان، پلەبەندی عێراق بۆ 140ـەمین دابەزی و لە سەر ئاستی وڵاتانی عەرەبیشدا لە پلەبەندی هەشتەمدایە، بەمەش لە ساڵی 2024ـدا پێچەوانەی شەفافییەت، عێراق لە پلەبەندی گەندەڵی پێشکەوتنی تۆمارکردووە و گەندەڵی تێدا زیاتر گەشەی کردووە.

ئەوەی لەوبارەیەوە دەگوترێت: بە گوێرەی ڕاپۆرتی ڕێکخراوی شەفافییەتی جیهانی،

- پێنوێنی گەندەڵی کێشەیەکی گەورەیە لەسەر ئاستی جیهاندا، لەگەڵ ئەوەشدا ژمارەیەک لە وڵاتان بەرەو شەفافییەت هەنگاوییان ناوە، بەڵام گەندەڵی لە هەندێک وڵاتی دیکەی وەک عێراق زیادی کردووە. 

- بە گوێرەی پێنوێنەکە، ژمارەکە لە نێوان 0 بۆ 100 دەست پێدەکات، تا چەند لە سفر نزیک بێتەوە گەندەڵی زیاترە، چەندیش لە 100 نزیک بێتەوە لە شەفافییەت نزیک دەبێتەوە. 

هەرچی عێراقە، لە کۆی 100 خاڵ تەنیا 26 خاڵی هێناوە، بەمەش لە ڕووی شەفافییەتەوە لە پێش هەریەکە لە وڵاتانی سۆماڵ، سوودان، یەمەن، لیبیا و ئێریتریا دێت.

ئەوەی پێویستە بیزانیت: لە ڕووی شەفافییەتەوە، دانیمارک لە پلەی یەکەمی جیهاندایە، لە دوای ئەویش فینلەندا و سەنگاپوور لە پلەی دووەم و سێیەمدان.