ڕۆژی شەممە لەنێوان ئیسرائیل و حەماس چی ڕوودەدات؟

 

ئاڤا نیوز

وڵاتان چاویان لەوەیە ڕۆژی شەممە چی ڕوودەدات لە کەرتی غەززە، ئیسرائیل هەڕەشەی کۆتایی هێنان بە ئاگربەستی غەززە لە حەماس دەکات بە مەرجێک ئەگەر تا ڕۆژی شەممە سەرجەم بارمتەکان ئازاد نەکات.

وێنەگەورەکە: دوای تێپەڕبوونی سێ هەفتە بەسەر یەکەم قۆناغی  ئاگربەستی غەززە لە نێوان ئیسرائیل و حەماس لە کەرتی غەززە، ئیسرائیل هۆشداری بە حەماس دەدات لە ئەگەری ئازاد نەکردنی سەرجەم بارمتەکان تا نیوەڕۆی ڕۆژی شەممە، هێرشەکانی بۆ سەر کەرتی غەززە دەستپێدەکاتەوە.

زانیاری بەدەستهاتوو: میدیاکانی ئیسرائیل ڕایانگەیاند: بنیامین نەتانیاهۆ، سەرۆکوەزیرانی ئیسرائیل، فەرمانی بە سوپای وڵاتەکەی کردووە لە دەوروبەری کەرتی غەززە بڵاوببنەوە بۆ هەر ئەگەرێک.

ئەوەی پێشبینی دەکرێت: ڕۆژنامەی یەدیعوت ئەحرەنوتى ئیسرائیلى بڵاویکردەوە، بزووتنەوەی حەماس ڕۆژی شەممە سێ بارمتەی ئیسرائیلی ئازاد دەکات، ئەمەش لەکاتێکدایە کە ئیسرائیل و ئەمریکا  داوای ئازادکردنی سەرجەم بارمتەکان دەکەن.

بە تەنیشت ئەم بابەتەوە: دۆناڵد ترەمپ، سەرۆکی ئەمریکا ڕایگەیاند، ئەگەر حەماس بارمتەکان ئازاد نەکات ئەوا غەززە دەکەینە دۆزەخ.