شۆفێرانی هەولێر لە داخستنی بەشێكی شەقامی 120 مەتری ئاگادار دەكرێنەوە

ئاڤا نیوز

بەڕێوەبەرایەتیی هاتووچۆی هەولێر شۆفێرانی شارەكە لە داخستنی بەشێكی شەقامی 120 مەتری ئاگادار دەكاتەوە.

چیرۆكی سەرەكی: بەشێك لە ڕێڕەوی پڕۆژەی فریاگوزاریی خێرای ئاوی هەولێر كە ئێستا 75%ـی تەواو بووە لەگەڵ شەقامی 120 مەتری درێژدەبێتەوە، بەو هۆیەوە تیمی ئەندازیاری سەرپەرشتیی پڕۆژەكە بۆ پەڕاندنەوەی بۆرییەكە هەندێك جار بەشێك لە شەقامەكە بۆ ماوەیەكی كاتی بە هاوكاریی بەڕێوەبەرایەتیی هاتووچۆ دادەخەن.

لێدوانی فەرمی: عەقید هێمن حەمەدەمین، گوتەبێژی هاتووچۆی هەولێر بە ئاڤا میدیای ڕاگەیاند:

- كاتژمێر 2:00ـی پاشنیوەڕۆی ئەمڕۆ 2025-02-13، بە هۆی کارکردن لە پڕۆژەی ئاوی ئیفراز، شەقامی خزمەتگوزاریی 120 مەتریی هەولێر لە گەڕەكی 32ـی پارك لە نزیك بەشی مۆڵەتی بەڕێوەبەرایەتیی هاتووچۆی هەولێر دادەخرێت.

- داوا لە شوفێران دەکەین هاتووچۆ بەم شەقامەدا نەکەن و شەقامی جێگرەوە بەکار بهێنن، تا کاری هەڵەکندن و گواستنەوەی بۆریی ئاو تەواو دەبێت، دوای تەواوبوونی کارکردن، هاتووچۆ لە شەقامەکە ئاسایی دەبێتەوە.

ئەوەی پێویستە بیزانیت: پڕۆژەی فریاگوزاریی خێرای ئاوی هەولێر بە گوژمەی نزیكەی 480 ملیۆن دۆلار، له‌ ماوه‌ى كه‌متر له‌ 550 ڕۆژ جێبەجێ دەکرێت و به‌ ته‌واوبوونى پرۆژه‌كه،‌ كێشه‌ى كه‌مئاوى له‌ شارى هه‌ولێر به‌ ڕێژه‌ى 100% چاره‌سه‌ر ده‌بێت.