تورکیا: بەم زووانە هاوپەیمانی سەربازی لەگەڵ سووریا دروست دەکەین

ئاڤا نیوز

وەزارەتی بەرگری تورکیا، سەبارەت بە کۆنترۆڵکردنی عەفرین لەلایەن هێزی نیشتیمانی سووریا ڕایگەیاند، کاری لە پێشینەمان " لە ناوبردنی تیرۆرە" پاراستنی ئاسایشی سەلامەتی سەرجەم ناوچەکانی سووریا بەبێ کەموکوڕی گرینگە، بەردەوام دەبین لە پشتیووانیکردنی برا سوورییەکانمان.

چیرۆکی سەرەکی: وەزارەتی بەرگری تورکیا ڕاپۆرتی هەفتانەی چالاکییەکانی وەزارەتەکەی پێشکەش کرد، سەبارەت بەو هەواڵانەی لەسەر کۆنترۆڵکردنی عەفرین لەلایەن هێزی نیشتیمانی سووریا، رایگەیاند، کاری لە پێشینەمان " لە ناوبردنی تیرۆرە" لەم بابەتەدا لەگەڵ ئیدارەی سووریا کاردەکەین و بیرکردنەوەی هاوبەشمان هەیە، هێزە سەربازییەکانی تورکیا تا ئەو کاتەی باکووری ڕۆژهەڵاتی سووریا مەترسی بێت بۆ سەر تورکیا لە سووریا دەمێننەوە. بۆ ئەمەش چی پێویست بێت دەیکەین.

لەلایەکی دیکەوە: وەزارەتی بەرگری تورکیا، کوژرانی سەربازێکی تورکی بە ناوی عوسمان ئۆکتای لە باکووری ڕۆژهەڵاتی سووریا ڕاگەیاند.

قووڵتر: عەفرین، شارێکی ڕۆژئاوای کوردستانە و لە ژێر دەسەڵاتی هێزی سووریای دیموکرات هەسەدەیە، لە دوای ڕووخانی ڕژێمی ئەسەد، شەڕی نێوان گرووپە چەکدارەکانی نزیک لە تورکیا و هەسەدە لە نزیک بەنداوی تشرین بەردەوامە، هەسەدە دەیەوێت ئەو دەستکەوتەی چەند ساڵە بەدەستی هێناوە، بیپارێزێت، لە بەرامبەردا تورکیاش هەسەدە بە درێژکراوەکانی پەکەکە دادەنێت، بە مەترسی بۆ سنووری تورکیا دەزانێت.