ئەحمەد شەرع لە یەکەم گەشتی ناوخۆییدا سەردانی ئیدلیب دەکات

ئاڤا نیوز

سەرۆککۆماری سووریا بۆ قۆناغی ڕاگوزەر لە یەکەم گەشتی ناوخۆیی وڵاتەکەیدا، ئەمڕۆ سەردانی پارێزگای ئیدلیبی کرد و کەمپی ئاوارەکانیشی بەسەر کردەوە.

بۆچی گرنگە: پارێزگای ئیدلیب دەکەوێتە باکووری ڕۆژئاوای سووریا و پێش ڕووخانی ئەسەد،  ئەحمەد شەرع و ڕەوتەکەی لەو پارێزگایەدا حکومڕان بوون، ئێستاش هەر حکومەتەکەی شەرع لە ئیدلیب، کارووباری سووریا بەڕێوەدەبات.

ڕاگەیێنراوی فەرمی: سەرۆکایەتی کۆماری سووریا بڵاویکردەوە، ئەحمەد شەرع، سەرۆککۆماری سووریا بۆ قۆناغی ڕاگوزەر ئەمڕۆ سەردانی شاری ئیدلیب و کەمپی ئەزرەقی تایبەت بە ئاوارەکانی کرد.

ئەمەش بزانە: بەگوێرەی زانیارییەکان، سەردانەکەی ئەحمەد شەرع "کورت و خێرا و لەناکاو" بووە و تەنیا چەند کاتژمێرێکی کەم لە پارێزگاکەدا ماوەتەوە.