دوای دەستگیرکردنی بۆ یەکەمجار بەڕێوەبەری نەخۆشخانەی کەمال عەدوان لە غەززە دەردەکەوێت

 

ئاڤا نیوز

دوای دوو مانگ لە دەستگیرکردنی دوێنێ بۆ یەکەم جار بەڕێوبەری نەخۆشخانەی کەمال عەدوان لە کەناڵی 13ـی ئیسرائیلی دەرکەوت.

وێنەگەورەکە: ڕۆژی چوارشەممە، حوسام ئەبو سەفیە، بەڕێوەبەری نەخۆشخانەی کەمال عەدوان بۆ یەکەمجار دوای دوو مانگ لە دەستگیرکردنی لە کەناڵی 13ـی ئیسرائیلی دەکەوت، بڕیاریشە لە چوارچێوەی قۆناغی یەکەمی ئاگربەستی نێوان ئیسرائیل و حەماس ئازاد بکرێت.

زانیاری بەدەستهاتوو: لە چاوپێکەوتنێکدا لە کاتەی کە ئەبو سەفیە دەستگیرکرابوو ڕایگەیاند، ''من دکتۆری منداڵان بووم، تەنیا کاری مرۆڤەیاتیی خۆم کردووە چارەسەری خەڵکی سڤیلم کردووە، نازانم کە بۆچی دەستگیرکراوم''.

ئەمەش بزانە: ئەبوسەفیە، یەکێک بوو لە پزیشکە دیارەکانی کەرتی غەززە، لە یەکێک لە بۆردومانەکاندا کوڕێکی کوژرا و خۆیشی برینداربوو، بەڵام بەردەوام بوو لە چارەسەرکردنی برینداران.

پێدراوە ڕاستەکان: بڕیارە ڕۆژی شەممە، بزووتنەوەی حەماس شەش بارمتەی ئیسرائیلی ئازاد بکات و لەبەرامبەریشدا ئیسرائیل 602 زیندانی فەڵەستینی ئازاد بکات و حوسام ئەبو سەفیە یەکێک دەبێت لە ئازاد کراوەکان.

باکگراوند: لە 27ـی 11ـی ساڵی ڕابردوو سوپای ئیسرائیل هێرشی کردە سەر نەخۆشخانەی کەمال عەدوان کە دوایین گەورەترین نەخۆشخانەی کەرتی غەززە بوو، نەخۆشخانەکە بە تەواوی وێرانکرا  لە پێشکەشکردنی خزمەتگوزاری تەندروستیی وەستا، دوابەدوای ئەوە سەرجەم کارمەندەکانی کە ژمارەیان 350 کەس بوو دەستگیر کران.