بەغدا بۆ ناردنی مووچەی مانگی شوبات سێ داواکاری نوێی هەیە

ئاڤا نیوز

وەزیری دارایی عێراق لەگەڵ لیستی مووچەی مانگی دوو، سێ داواکاری خستووەتە بەردەم حکومەتی هەرێمی کوردستان بۆ ڕەوانەکردنی مووچە، یەکێکیان پەیوەستە بە ڕادەستکردنی داهاتی نەوت.

 

وێنە گەورەکە: لە ماوە 15 ڕۆژدا، ئەمە دووەم نووسراوی وەزارەتی دارایی عێراقە کە بۆ هەرێمی کوردستانی دەنێرێت و تێیدا چەند داواکارییەکی خستووەتەڕوو، لە نووسراوەکەی ئەمجارەش داوای داهاتی نەوت لە هەرێمی کوردستان دەکات لە کاتێکدا هێشتا پرۆسەی هەناردەکردنەوەی نەوتی هەرێمی کوردستان دەستی پێنەکردووەتەوە و ئەوەشی ڕوون نەکردووەتەوە کە مەبەستی کام داهاتی نەوتە.

نووسراوی فەرمی: بەگوێرەی نووسراوێکی وەزارەتی دارایی عێراق کە واژۆی تەیف سامی، وەزیری دارایی لەسەرەو لە ڕێکەوتی 2025-02-17 دەرچووە. پشتبەستوو بە نووسراوێکی نووسینگەی سەرۆکوەزیرانی عێراق داوا دەکات لەگەڵ لیستی مووچەی مانگی دووی 2025 و مانگەکانی دیکە بەپەلە زانیاریمان پێبدەن لەبارەی داتاکانی پەیوەست بە تەوتینکردنی مووچەی فەرمانبەرانی هەرێمی کوردستان بەپێی ئەو میکانزمەی لەلایەن دادگای فیدراڵییەوە دانراوە.

لە نووسراوەکەدا هاتووە:

یەکەم: داوا دەکات لەگەڵ لیستی مووچەی مانگی دوو، هەرێمی كوردستان  بەپەلە زانیارییان پێبدات لەبارەی داتاکانی پەیوەست بە بانکیکردنی مووچەی مووچەخۆران بەپێی ئەو میکانیزمەی لەلایەن دادگای فیدراڵییەوە دانراوە.

 

دووەم؛ حکومەتی هەرێمی کوردستان داهاتی نانەوتی مانگی دوو بخاتە سەر هەژماری بانکی وەزارەتی دارایی عێراق لە بانکی ناوەندی، بەڵام نەک ئەو 51 ملیار و 895 ملیۆن و 457 هەزارەی نێردراوە.

 

سێیەم: داهاتی نەوت بخرێتە سەر هەژماری وەزارەتی دارایی عێراق لە بانکی ناوەندی بە ژەمارە 300-900 کردویەتییەوە.

ئەوەی پێویستە بیزانیت: لە 3ـی ئەو مانگە وەزارەتی دارایی عێراق لەگەڵ لیستی مووچەی مانگی یەک، دوو داواکاری ئاراستەی حکومەتی هەرێمی کوردستان کردبوو کە بریتی بوون لە: زانیاری لەسەر تەوتینی فەرمانبەران بەپێی بڕیاری دادگای فیدراڵی و ناردنی داهاتی نانەوتی.