ئیسرائیل: یەکێک لەو تەرمانەی حەماس ڕادەستیکردووینەتەوە فەڵەستینییە

 

ئاڤا نیوز

یەکێک لەو چوار تەرمانەی دوێنێ بزووتنەوەی حەماس لە چوارچێوەی ئاگربەستی غەززە ڕادەستی ئیسرائیلی کردەوە. هاووڵاتی فەڵەستینە.

چیرۆکی سەرەکی: دوێنێ پێنجشەممە، لە میانی گەڕی حەوتەمی قۆناغی یەکەمی ئاگربەستی نێوان ئیسرائیل و حەماس، بزووتنەوەی حەماس تەرمی چوار ئیسرائیلی ڕادەست کردەوە، کە یەکێکیان هاووڵاتی فەڵەستینییە نەک ئیسرائیلی.

لێدوانی فەرمی: سەرچاوەیەک لە بزووتنەوەی حەماس بە ئاژانسی فرانس پرێسی ڕاگەیاندووە، تەرمی "شیری بیباس" ئەو ژنە ئیسرائیلییەی دوێنێ لەگەڵ تەرمی دوو منداڵەکەی ڕادەستی ئیسرائیل کراوەتەوە بە هەڵە لەگەڵ تەرمی ئەو کەسانە گۆڕدراوە کە لە ژێر داروپەردووی غەززەدا بوون و لێکۆڵینەوەش لە بابەتەکە دەکەن.

لە لایەکی دیکەوە: بنیامین نەتانیاهۆ سەرۆکوەزیرانی ئیسرائیل ڕایگەیاند، بەپێی ئەو پشکنینانەی ئەنجامیانداوە تەرمی ئەو ژنەی دوێنی حەماس ڕادەستی کردوون دایکی کفیر بیباس و ئاریل بیباس نییە و ژنێکی غەززەیە.

زانیاریی زیاتر: بنەماڵەی بیباس، بنیامین نەتانیاهۆیان بەوە تۆمەتبارکرد کە لە کاتی هێرشەکانی 7ـی ئۆکتۆبەری 2023 وازی لە ئەندامەکانی بنەماڵەکەیان هێناوە و بە سەلامەتی ئەوانی بۆ خێزانەکەیان نەگەڕاندووەتەوە و داوای لێبووردن لە نەتانیاهۆ قبووڵ ناکەن.