کالیفۆرنیا داوای 40 ملیار دۆلار بۆ ئاگرەکەی لۆس ئانجلس دەکات

ئاڤا نیوز 

 

دوای ئاگرکەوتنە گەورەکەی لۆس ئانجلس لە ویلایەتی کالیفۆرنیا، حاکمی ویلایەتەکە داوای 40 ملیار دۆلار بۆ پاککردنەوە و بنیادنانەوەی خانووەکانی ناوچە زیانلێکەوتووەکان دەکات.

چیرۆکی سەرەکی: لە ڕۆژی 7-1-2025، ئاگرێکی گەورە لە لۆس ئانجلسی کالیفۆرنیا کەوتووتەوە، بەهۆیەوە 25 کەس گیانیان لەدەستدا و  12 هەزار باڵەخانە وێران بوون، 16 هەزار هێکتار زەوی سووتان و  زیانێکی زۆری ماددی بە ناوچەکە گەیشت. ئێستا ئاودانکردنەوەی پێویستی بە ملیاران دۆلارە.

 

زانیاریی بەدەستهاتوو: ڕۆژنامەی واشنتن پۆست بڵاویکردەوە، گاڤین نیوزۆم، حاکمی ویلایەتی کالیفۆرنیا داوا لە کۆنگرێس دەکات 40 ملیار دۆلار تەرخان بکات بۆ پاککردنەوە و بنیادنانەوەی خانووەکانی ناوچە زیانلێکەوتووەکان.

 

ئەمەش بزانە: پێشتریش دۆناڵد ترەمپ، سەرۆکی ویلایەتە یەکگرتووەکانی ئەمریکا زیانەکانی ئاگری کالیۆفۆرنیای هاوشێوەی زیانی هێرشێکی ئەتۆمی دانابوو.