سبەی وەزیری دەرەوەی ڕووسیا سەردانی تورکیا دەکات

ئاڤا نیوز

 

ڕۆژی دووشەممە، وەزیری دەرەوەی ڕووسیا بۆ گفتوگۆکردن لەسەر دەستپێکردنی دانووستانەکانی ئەم دوواییەی ئەمریکا و ڕووسیا سەردانی تورکیا دەکات.

 

زانیاری بەدەستهاتوو: ڕۆژی 23-2-2025، میدیا ڕووسییەکان بڵاویانکردەوە، سبەی دووشەممە، سێرگی لاڤرۆڤ، وەزیری دەرەوەی ڕووسیا  لە چوارچێوەی سەردانێکی فەرمی بۆ ڕۆژهەڵاتی ناوەڕاست دەگاتە تورکیا و لەگەڵ بەرپرسانی ئەو وڵاتە کۆدەبێتەوە. 

 

ئەوەی پێشبینی دەکرێت: سێرگی لاڤرۆڤ، بۆ تاوتوێ کردنی دانووستانەکانی ئەمریکا و ڕووسیا سەبارەت بە کۆتایی هێنان بە شەری ئۆکراینا سەردانی تورکیا دەکات، پێشبینی دەکرێت دوای تورکیا سەردانی سووریا بکات و لەگەڵ ئەحمەد شەرع، سەرۆکی سووریا بۆ قۆناغی ڕاگوزەر کۆدەبێتەوە.

 

زانیاریی زیاتر: هەفتەی ڕابردوو، ڤۆلۆدیمێر زێلینسکی، سەرۆکی ئۆکراینا سەردانی تورکیای کردوو، تورکیاش پشتیوانی تەواوی خۆی بۆ یەکپارچەیی خاکی ئۆکراینا دووپاتکردەوە.

 

باکگراوند: لە سەرەتایی دەستپێکردنی شەڕی ئۆکراینا و ڕووسیا، تورکیا ڕۆڵی نێوەندگیری لە نێوان هەردوو وڵات دەگێڕێت، بەڵام دوای دانووستانەکانی ئەمریکا و ڕووسیا ڕۆڵی تورکیا کەمتر بووەتەوە.