لە هەولێر پۆندێكی گەورەی گەشتیاری تەواو دەکرێت

 

ئاڤا نیوز

كارەكانی پڕۆژەی پۆندی زانكۆ لە بەرزاییەكانی كەسنەزان لەماوەیەكی کەمدا تەواوكرا كە دەبێتە ڕووگەیەكی گرنگی گەشتیاری و سیمایێكی جوان بەناوچەكە دەبەخشێت و ڕێگەش لە لافاو دەگرێت.

چیرۆكی سەرەكی: دوای ئەوەی سەرۆكوەزیران مەسرور بارزانی، لە مانگی ئەیلوولی ساڵی 2024، بەردی بناغەی پۆندی زانكۆی لە بەرزاییەكانی كەسنەزان بە تەنیشت مۆنۆمێنتی شەهیدان دانا، لەماوەی سێ مانگدا كارەكانی پڕۆژەكە تەواو بوو.

زانیاریی زیاتر: پۆندی زانكۆ لە بەرزاییەكانی كەسنەزان لە ڕۆژهەڵاتەوە بەسەر شاری هەولێر دەڕوانێت، درێژییەكەی 180مەترە، پانییەكەی 80 مەترە و بەرزییەكەشی 17 مەترە، توانای گلدانەوەی ملیۆنێك مەتر سێجا ئاوی هەیە.

بۆچی گرنگە: پۆندی زانکۆ جگە لەوەی سوودی گەشتیاری، کشتوکاڵی و بەراوکردنی ئاوی ژێرزەویی دەبێت، سیمایەکی جوانیش بە ناوچەکە دەبەخشێت و ڕێگەش لە لافاو دەگرێت.

بابەتە ستراتیژییەكە: پاراستنی سامانی ئاو یەکێکە لە ستراتیژەکانی حکومەت و ئەو پۆندەش یەکێکی دیکەیە لە دەیان پرۆژەی هاوشێوەی پۆند و بەنداوەكان.