لە هێرشێکی ئاسمانیدا سەرکردەیەکی تەحریرولشام  کوژرا

ئاڤا نیوز

فڕۆکەیەکی بێفڕۆکەوان ئۆتۆمبێلی سەرکردەیەکی دەستەی تەحریرولشام  لە ڕۆژئاوای سووریای کردە ئامانج و ئەو سەرکردەیە دەستبەجێ گیانی لەدەستدا.

ئەوەی پێویستە بیزانیت: ئەم هێرشە لە کاتێکدایە کە هێزەکانی هاوپەیمانیی نێودەوڵەتی بەسەرۆکایەتی ئەمریکا هێرشە ئاسمانییەکانیان لە باکووری ڕۆژئاوای سووریا بۆ بە ئامانجگرتنی شانە تیرۆریستییەکان چڕکردووەتەوە.

ڕاگەیێنراوی فەرمی: ڕوانگەی سووری بۆ مافەکانی مرۆڤ بڵاویکردەوە، فڕۆکەیەکی بێفڕۆکەوان کە پێدەچێت سەر بە هاوپەیمانی نێودەوڵەتی بێت، هێرشێکی ئاسمانی ئەنجامداوە و ئۆتۆمبێلێکی لەسەر ڕێگای نێوان شارۆچکەکانی کلی و کفتین لە لادێکانی باکووری ئیدلب کردە ئامانج.

زانیاریی بەدەستهاتوو: بەپێی سەرچاوەیەکی ناوخۆیی سووریا، لە ئەنجامی ئەو هێرشە، جەعفەر تورکی کە بەڕەچەڵەک خەڵکی تورکیایە و لەڕیزی هێزەکانی تەحریرولشام کاری دەکرد، کوژرا.

ئەمەش بزانە: ئەو سەرچاوەیە ئاماژەی بەوەشکرد، پێشتر جەعفەر تورکی لە چوارچێوەی ڕێکخراوی "حوراسولدین" ـی سەر بەڕێکخراوی "قاعیدە" کاری کردووە.