بەهۆی بارانبارینەوە 29 کەس لە ئەفغانستان گیان لەدەست دەدەن

ئاڤا نیوز

بەرپرسانی ئەفغانستان ڕایانگەیاند، 29 هاووڵاتی لە دوو پارێزگا لە باشوری ڕۆژئاوای ئەفغانستان بەهۆی گەردەلوول و بارانبارینەوە گیانیان لەدەستداوە.

لێدوانی فەرمی: محەممەد ئیسرائیل، بەرپرسی بەشی بەڕێوبردنی کارەساتەکان ڕایگەیاند، لە پارێزگای فەراهـ بەهۆی گەردەلوولەوە 21 کەس گیانیان لەدەستداوە و شەش کەسی دیکەش برینداربوون.

لەلایەکی دیکەوە: بەشی بەڕێوبردنی کارەساتەکان لە قەندەهار ڕایگەیاند، هەشت کەس گیانیان لەدەستداوە کە لە نێوانیاندا ژن و منداڵ هەن.

باکگراوند: ئەمە لەکاتێکدایە کە لەسەرەتای ئەمساڵدا بەهۆی بارانبارینی زۆرەوە لە ئەفغانستان 40 کەس گیانیان لەدەستدا و سەدانی دیکەش برینداربوون.