لە قوتابخانەکانی ئێران دەبێت تەنیا بە زمانی فارسی وانە بخوێنرێت و زمانی دایک قەدەغەیە

ئاڤا نیوز

پەرلەمانی ئێران وتنەوەی وانە و ئەدەبیاتی بە زمانی دایک و ناوچەییەکانی ناو وڵات لە فێرگە و قوتابخانەکان ڕەتکردەوە.

وێنە گەورەکە: لە دانیشتنی ئەمڕۆی گشتیی پەرلەمانی ئێران، پلانی فێرکردنی ئەدەبیات و وانەوتنەوە بە زمانی دایک لەوانە 'کوردی، تورکی، بەلووچی' لە قوتابخانەکانی ئەو وڵاتە قەدەغەیە، ئەم بابەتە یەکێکە لە بڕگەکانی دەستووری کۆماری ئیسلامی ئێران، خرایە بەرنامەی کارەوە، بەڵام بەهۆی ناکۆکی لە دەنگی ئەندامەکان بڕیارەکە پەسەند نەکرا.

ڕاگەیێنراوی فەرمی: دوای خستنەڕووی بابەتەکە و دەنگدان لەسەری، لە کۆی 246 ئەندامی ئامادە لە پەرلەمان، 104 دەنگی بەڵێ و 130 دەنگی نەخێر و 5 دەنگی بێلایەن بڕیارەکە لەلایەن سەرۆکی پەرلەمانی ئێرانەوە پەسەند نەکرا.

زانیاری زیاتر: بابەتی پەروەردە و زمانی دایک ساڵانێکی زۆرە لەلایەن چالاکوانانی ئەم بوارەوە لە ئێران گفتوگۆی لەسەر دەکرێت و قەدەغەکردنی بە یەکێک لە گرنگترین هۆکارەکانی وازهێنان لە خوێندن یان دابەزینی ئاستی خوێندن دادەنرێت لەو شارانەی ئێران کە بە زمانی دایک ناخوێنن.

ئەمەش بزانە: ئەم بڕیارەی سەرۆکی پەرلەمانی ئێران لە کاتێکدایە کە بەپێی ماددەی 15ـی دەستووری ئێران، هەرچەندە زمانی فەرمی لە ئێران فارسییە، بەڵام دەبێت خوێندن لە قوتابخانەکان ئازادانە و بە زمانی دایک بێت.