بەبۆنەی مانگی ڕەمەزانەوە خزمەتگوزاریی کەمکردنەوەی نرخ جێبەجێ دەکرێت

ئاڤا نیوز

لەیەکەم ڕۆژی ڕەمەزانەوە خزمەتگوزاریی کەمکردنەوەی نرخ بۆ ئەو کەسانەی کە چاودێریی کۆمەڵایەتی دەیانگرێتەوە و یارمەتیی نەختینەیی وەردەگرن، دەستپێدەکات.

ڕاگەیێنراوی فەرمی: نوسینگەی ڕاگەیاندنی سەرۆکوەزیرانی عێراق ڕایگەیاند: محەممەد شیاع سودانی سەرۆکوەزیرانی عێراق هەردوو وەزارەتی بازرگانی و کاروباری کۆمەڵایەتیی ڕاسپاردووە، خزمەتگوزاریی کەمکردنەوەی نرخ بۆ ئەو کەسانەی کە چاودێریی کۆمەڵایەتی دەیانگرێتەوە و یارمەتیی نەختینەیی وەردەگرن، لە یەکەم رۆژی مانگی ڕەمەزانەوە دەستپێبکەن.

ئەوەی پێویستە بیزانیت: بەپێی ڕاگەیەندراوەکە حکومەتی عێراق لەگەڵ هایپەر مارکێتەکانی عێراق ڕێککەوتووە بە کەمکردنەوەی نرخی خۆراک و شمەک بە رێژەی نێوان (10-15)%ی نرخی ڕاستەقینەی خۆی، ئەویش بە پاڵپشتی هەردوو وەزارەتی  بازرگانی و کاروباری کۆمەڵایەتیی بۆ ئەو کەسانەی کە چاودێریی کۆمەڵایەتی دەیانگرێتەوە.

ئەمەش بزانە: لە ڕاگەیێراوەکەدا ئەوەش هاتووە، ئەم خزمەتگوزارییە لەیەکەم ڕۆژی مانگی ڕەمەزانەوە دەستپێدەکات تاوەکو یەکەم ڕۆژی جەژن.